«ЭКСПО» ісі бойынша айыпталғандардан 10
миллиард теңге көлемінде залалды өндіріп алу туралы талап-арыз түзетілуге
жіберілді. Судья Әділхан Шайхисламов құжат дұрыс толтырылмаған дейді. Десе де ол жапа шеккендердің тергеу ісі аяқталғанша, талаптарын қайта ұсына
алатынын айтты.
Еске салайық, өткен аптада «Астана ЭКСПО-2017» ҰК Әділет
департаментінің өкілі Ғабит Құлахмет 24 айыпталушыға қарсы арыз түсірген. Ол
компания 10 миллиард 25 миллион теңге көлемінде залал көрді деп шағымданған
еді. Айта өтейік, бұл соманың 1 миллиард теңгесі мемлекет қазынасына
қайтарылған. Атышулы «ЭКСПО» ісін қарау әлі жалғасуда.
Ләйлә ҚАЗИАҚПАРОВА
