Ал Ақтөбенің алты мектебінде бүгін алғашқы қоңырау соғылған жоқ. Оқушылар мектеп табалдырығын аттамастан кері қайтты. Нөмірі 2-ші мектептің электронды поштасына қаладағы бірнеше білім нысанына жарылғыш зат қойылды деген хат келген. Осыған байланысты өтіп жатқан салтанатты шара дереу тоқтатылып, балалар мен ата-аналар, ұстаздар қауіпсіз жерге шығарылды.
АТА-АНАЛАР:
- Таңертең келе жатқанбыз баламызбен бірінші класқа. Бомба қойылды, жақындауға болмайды деді. Сырттан қайтып бара жатырмыз. Линейка болған жоқ.
- Қорқып кеттік әрине. Бірақ бала білмейді ғой, апайын көргісі келіп еді.
- Охрана болмай ма, мектеп ішіне кіріп қоятын болса? Қауіпсіздік шарасын күшейту керек. Күзет жалдасын. Ойнайтын зат емес қой. Балаларды қайта-қайта таратып жібереді.
Мектептердің ешқайсысында «бомба» табылған жоқ. Мерекенің шырқын бұзған адамды қазір полиция іздеп жатыр.
