Ауа райы -
Негізгі / Жаңалықтар / Оралдағы санаториялық мектеп дауын шешуге «Nur Otan» партиясы араласты

Оралдағы санаториялық мектеп дауын шешуге «Nur Otan» партиясы араласты

Орал қаласындағы басы даудан арылмаған санаториялық мектеп ғимаратынан оқушыларға ешқандай қауіп жоқ. Бұл туралы «Nur Otan» партиясының Батыс Қазақстан облыстық филиалының партиялық бақылау комиссиясы ұйымдастырған басқосуда айтылды.

Ата-аналардың айтуынша, бұл ғимаратта бұрын туберкулезге шалдыққандармен байланыста болған оқушылар білім алған. Сондықтан   білім ордасында адамға зиянды түрлі инфекциялардың әлі де сақталуы мүмкін. Осыдан қауіптенген ата-аналар баласын басқа мектепке ауыстырмақшы болған.  Партияның ұйымдастыруымен өткен басқосуда республикалық санитарлық-эпидемиологиялық бақылау комитетінің мамандары онлайн байланыс арқылы  осыған  қатысты пікір білдірді.  Ата-аналардың алаңдауына еш негіз жоқ екендігін айтып, ғимаратта балалар өміріне келер қауіп жоқ екенін    мәлімдеді.

Махамбет СҰЛТАНҒАЛИЕВ, «NUR OTAN» ПАРТИЯСЫ БҚОФ ПАРТИЯЛЫҚ БАҚЫЛАУ КОМИССИЯСЫ ТӨРАҒАСЫНЫҢ ОРЫНБАСАРЫ:

Санаториялық мектепте қазіргі таңда оқуға болады. Қауіп біздің балаларға туындап жатқан жоқ. Қазіргі таңда бұл сұрақ толықтай шешілді деп есептейміз.

Е. Карин