Сұйытылған газ бағасын негізсіз көтергендер тергеліп жатыр. "ҚазмұнайГаз ұлттық компаниясының кеңсесінде Бәсекелестікті қорғау және дамыту агенттігі қазір тексеру жүргізуде. Бұған дейін «Қазмұнайгаз», «Petrosun», «Ақтөбемұнайгаз», «Қазгермұнай», «Қазақойл Ақтөбе» және «ҚазГӨЗ» жауапкершілігі шектеулі серіктестігі электронды сауда кезінде бағаны шамадан тыс өсіргені анықталған еді. Президенттің тапсырмасына сәйкес, тергеудің алдын ала қорытындысы 20 күн ішінде шығатын болады. Сондай-ақ, агенттік сұйытылған мұнай газын бөлшек саудада сатқан 180 кәсіпкерге қатысты тексеру жүргізуде.
Д. Жарқынбек
