Петропавлдағы жылу электр орталығында тағы да апат болды. Бұл жолы үш қазандық істен шықты. Бұл -қыс басталғалы төртінші жағдай. Қазір орталықтағы 12 қазандықтың алтауы ғана жұмыс істеп тұр. Қалғандары -жарамсыз. Мамандардың айтуынша, 60-жылдары салынған жылу электр орталығындағы пештердің барлығының тозығы жеткен. Биыл оларды жаңғырту жоспарланып отыр, сол мақсатқа 17 миллиард теңге қаралды дейді.
«СЕВКАЗЭНЕРГО» АҚ БАСПАСӨЗ ҚЫЗМЕТІ:
Петропавл жылу электр орталығында №6, 10 және 12 жылу қазандықтары жөндеу жұмыстары үшін тоқтатылды. Технологиялық келеңсіздіктердің негізгі себебі – станциядағы қондырғылар әбден тозған. Қазір энергетиктер тұтынушыларды жылумен үздіксіз қамту үшін бар күшін салып жатыр.
А. Құрманкин
