Доллар арзандады. KASE қор нарығында бүгін 1 доллардың орташа бағамы 505 теңге болды. Осылайша, күндізгі валюта саудасының қорытындысы доллардың 1,39 теңгеге төмендегенін көрсетті. Kurs.kz порталының ақпаратынша, шетел валютасы Нұр-Сұлтан қаласында орташа есеппен 509 теңгемен сатылып жатыр. Ал Алматыда - 508 теңге. Сатып алудың орташа құны екі қалада да - 513 теңге. Сарапшылар теңгенің құны әлі де тұрақтала түседі дейді.
САПАРБАЙ ЖОБАЕВ, ЭКОНОМИСТ:
Біздің ұлттық банктың және Үкіметтің қабылдаған шараларының нәтижесінде біздің теңге бір тұрақтылыққа жетіп тұрады. 1 доллар 505-510, мүмкін 495 осы айналада. Украина мен Ресейдің арасындағы қақтығыстың бір шешілетін түрі бар. Егер келісетін болса, біздің теңгеміз бұдан да қуаттануы мүмкін.
А. Съезбек
