Көктемі ерте шыққан Шымкентке қыс қайта келгендей. Бүгін таңертең қала тұрғындары жасыл желектің ақ көрпеге оранғанын көріп, аң-таң. Биылғы қыста жарытып қар көрмеген халық бұған қуанғанымен, гүлдеп тұрған өрік ағаштарына алаңдаулы. Қардың қалыңдығы- 13 см. Ал таулы аудандарда ақ ұлпа 15-19 см -ге жеткен. Дегенмен, синоптиктер, Наурыз мерекесі күндері ауа температурасы күндіз 8 , 13 градусқа дейін жылиды дейді. Ал 23-наурызда тағы қар жаууы мүмкін деген болжам бар.
А. Төребекқызы
