Елордада «Ұлы дала тарихының жазба мұралары» атты көрме ашылды. Шара қазақ халқының төл мәдениетіне қатысты сирек кездесетін қолжазбаларды кеңінен насихаттауды және ерте кезеңдерден бері қалыптасқан отандық жазба мәдениеттің тарихын жан-жақты көрсетуді көздейді. 30-дан астам көне қолжазба көпшілік назарына ұсынылды. Іс-шараға мәдениет және спорт министрі мен зиялы қауым өкілдері, мемлекет және қоғам қайраткерлері қатысты.
Дәурен АБАЕВ, ҚР МӘДЕНИЕТ ЖӘНЕ СПОРТ МИНИСТРІ:
Бұл -төл құндылықтарымызды насихаттау жолындағы аса маңызды іс-шара. Себебі жазба мұралар тамыры терең мұраларымызды айшықтап, көпшілікке дәріптейді.Ұлт руханиятын одан әрі нығайтып, жас ұрпаққа жол ашады.
Б. Сатуов
