Спорт Қазақстан
$448.15 €483.46 ₽4.86
×

"1келі ұн-4200, бір бөлке нан- 3500 теңге": целиакия дертіне шалдыққан балалардың ата-аналары шағымданды

AstanaTV
31.05.2022ж. 20:00
2463
"1келі ұн-4200, бір бөлке нан- 3500 теңге": целиакия дертіне шалдыққан балалардың ата-аналары шағымданды

Елімізде сирек кездесетін «целиакия» дертіне шалдыққан қызылордалық балалардың ата-аналары диеталық өнімдердің тым қымбаттығына шағымдануда. Айтуларынша, ерекше балалар өмір бойы глютенсіз өнімдермен тамақтануы шарт. «Аймақта бұл азық түрі мүлде сатылмайды» дейді. Сондықтан олар шетелден тапсырыспен алдыруға мәжбүр. Целиакия қандай дерт? Науқас балаларға қатысты қандай мәселелер бар?  Мөлдір Тоқтасынқызының бейнематериалы.  

Назерке Рахметова қызының «целиакия» дертіне шалдыққанын алғаш рет 6 айлығында білген. 13 жылдан бері аглютенді диетада. Күнделікті тұтынатын наннан бастап, барлық жейтін тағамын  Италия, Германиядан делдалдар арқылы тапсырыспен алдырады. Ал оның бағасы өте қымбат. 1келі ұн-4200, бір бөлке нан- 3500 теңге.  «Қызымның зейнетақысы қосымша дәрумендерді былай қойғанда, азық-түлігіне әзер жетеді» дейді Назерке.  

Назерке РАХМЕТОВА, ҚАЛА ТҰРҒЫНЫ:

Алматы, Астана облысы кіші балалар, ересектермен, Шымкент, Түркістан, Орал қалаларында, облыстарында безглютенді тамақ, ұн, рожжки, печенье барлығы мемлекет тарапынан жылдың басында, ортасында беріледі. Тегін беріледі. Азғантай ғана балаға біздің облыс көмек бермей отыр.


«Целиакия» дертіне шалдыққан науқастар өмір бойы құрамында глютені жоқ тамақпен тамақтануы шарт. Яғни, бидай тағамдарын қолданбайды. Бұл аурумен ауыратын  балалардың есте сақтау қабілеті төмендеп, сүйектері   сынғыш келеді екен. Ал диета сақтамаса өміріне қауіп төнуі мүмкін. Кесел ішек жолдарынан жіңішке түтікше көмегімен зақымданған тінді кесіп алу арқылы анықталады. Мұндай сараптама балаларға өте ауыр дейді ата-аналар. Сондықтан мүгедектікті өмірлік етіп беруді сұрайды.

Назерке РАХМЕТОВА, ҚАЛА ТҰРҒЫНЫ:


Бұны биопсия арқылы анықтайды. Бұл балаға неврологиялық, психологиялық жағынан өте үлкен травма. Бізге келесі жылы втектен тағы өту керек. Оған қызым барғысы келмейді. Өйткені әбден травма алып қалған. Оңай емес бала үшін.  

Облыстық денсаулық сақтау басқармасының мәліметінше, аймақта  мұндай дертке шалдыққан 36 бала бар.  Оларға дәрі-дәрмек алу үшін биыл облыстық бюджеттен 2 млн. теңгеге жуық қаржы бөлініпті. Алайда тегін азық-түлікпен қамтамасыз ету мәселесі шешімін таппай келеді.

Мая МИРЗАНОВА, ҚЫЗЫЛОРДА ОБЛЫСТЫҚ ДЕНСАУЛЫҚ САҚТАУ БАСҚАРМАСЫ БАСШЫСЫНЫҢ ОРЫНБАСАРЫ:

Целиакия ауруы арқанды аурулардың тізіміне кірмегендіктен бұл диетамен яғни тамақпен қамтамасыз ету, денсаулық сақтау басқармасының құрамына кіре алмай отыр. Бірақ халықты әлеуметтік қорғау басқармасына хаттар жолдаған болатынбыз. Яғни балаларды, 36 баланы тамақпен қамтамасыз етуге. Бірақ ол жақтан да бұл жауап шешімін таппады.

Дәрігерлер бұл ауруды анықтаудың қиын екенін жасырмайды. Әрі бұл – әлем бойынша өте сирек кездесетін дерт дейді. Елімізде глютенді ауруға шалдыққан  100 шақты бала бар.

М. Тоқтасынқызы