Ел экономикасының дамуында
шағын және орта бизнестің үлесі артып келеді. Ranking.kz. сараптама қызметінің
ақпарына қарағанда, ағымдағы жылдың бірінші тоқсанында 1,5 млн кішігірім кәсіпорын
ресми тіркелсе, соның 1 млн 300 мыңы белсенді қызмет көрсетіп отыр.
Нәтижесінде жаңа жұмыс орыны да
ашылған. Мәселен, соңғы 3 жылда өсім - 53,9%-дан 85,2%-ға жеткен. Отандық
бизнес ортада жеке кәсібін ашушы субъектілердің саны - 68,2%. Оның 19,2%-ы
заңды мекеменің, 12,2% шаруа қожалықтарының еншісінде. Сауда-саттықпен де
айналысушылар қатары көп. Әзірге жарты
млн субъект ресми тіркелген. Шағын және орта бизнестің дамуы әсіресе, оңтүстік
аймақтарда басым. Республика үлесінің 41,2% соған тиесілі. Оның ішінде Алматы
бірінші орында. Мұнда 239 мың кәсіпорын бар.
Құралай ПИОНЕР