Эпидхауалды бағалау матрицасы бойынша Елорда сары аймаққа жақындады. Бұл туралы Нұр-Сұлтан қаласының бас мемлекеттік санитар дәрігері Сархат Бейсенова айтты. Індет жұқтырғандар саны тәулігіне 586-ға жеткен. Кіші түрі бар омикрон-штаммының жұқтыру ықтималдығы дельтаға қарағанда жоғары. Оған 20-30 жас аралығындағы адамдар жиі шалдығуда дейді. Елорданың бас санитар дәрігері тұрғындарды сақтық шараларын ескеруге, қоғамдық орындарда бетперде тағып жүруге және коронавирустың алғашқы белгілері байқалғанда дәрігермен кеңесуге шақырады.
Сархат БЕЙСЕНОВА, НҰР-СҰЛТАН ҚАЛАСЫНЫҢ БАС МЕМЛЕКЕТТІК САНИТАР ДӘРІГЕРІ:
Денсаулық сақтау министрлігі мәліметінше, аурушаңдық тамыздың ортасына дейін артады. Тамыздың аяғы - қыркүйекте бәсеңдейді. Нұр-Сұлтан бойынша да осындай болжам жасап отырмыз. Сондықтан қазір аурушаңдық көбейіп барады. Біз тамыздың ортасына дейін бұл өсім жалғасады деп болжаймыз.
Ә. Дүкембаева
