"7 жылдық Президент мандаты саяси бәсекелестікті арттырады. Демократиялық елдің көрінісін айқындап, мемлекеттің дамуына оң әсер етеді" дейді халық. Жаңа Президент 7 жылда өзін жан-жақты көрсете алады деп санайды. Сондықтан ел басшысын бір мерзімге сайлау туралы шешімді құптайды.
БЛИЦ:
- Кез келген қадам ол қажеттіліктен туындайды. Біз жаңа Қазақстан деп айтып жатырмыз ғой егер шынайы жаңа Қазақстанды құруға бұл қадамдар қажет болса, ол демек орындалуы керек.
- Бір Президент қайта-қайта Президенттікке сайлана берсе, ол демократия емес диктатура деп білем. Бір Президентті сайлау заңы қабылданса, демек Қазақстан Республикасының алға жылжуы, дамуы деп білем.
- Президентті бір мерзімге сайлау- бұл құптарлық іс. Осылайша біз 20 жыл ішінде үш Президент көруіміз ықтимал. Сөйтіп Қазақстан жаңа демократиялық қадам басты деп есептеймін. Бұл бідің елімізге ғана емес Орта Азияға үлгі боларлық дүние.
- Жеті жылдық мерзімде Президент өзіне қойған саяси мақсаттары мен реформаларды келесі мерзімде сайлауға бармайтын болғандығы түбегейлі шешуге, жан-жақты бар күш-жігерін жүзеге асыруға, саяси күштерді біріктіруге, реформаларды аяғына дейні жалғастыруға мүмкіндік болатын шығар.
- Жеті жыл мінекей сайланған кезде адам өз ойымен жоспарымен келеді. Ол жеті жылда орындауға уақыт түгелдей жетеді.
- Билік өзгеріп тұру керек. Ия өзгеріс алып келеді деп ойлаймын. Шетелдерде ауысып отырады ғой жыл сайын.
- Әр жеті жыл сайын өзгеріс керек. Әркімнің өз стратегиясы бар ғой. Соған келісемін.
- Менің ойымша, сол президентті жеті жылда бір рет сайлап тұрған дұрыс деп ойлаймын. Халыққа қызметін көрсетсін сол жеті жылда, жетістіктерін.
- Президенттің белгілі бір срокқа сайланып, одан кейін өзге адамдардың билік басына келгені ол еліміз үшін де, жұртымыз үшін де үлкен көмегін тигізеді деп ойлаймын.
А. Серік
