Президенттікке үміткер Қасым-Жомарт Тоқаевты қолдау жөніндегі Республикалық қоғамдық штаб мүшелері, өңірлерде сайлаушылармен кездесуді жалғастырып жүр. Кандидаттың жақтастары Қарағандыға келіп, өңірдің бизнес-қауымдастығымен, шахтерлерімен және студент жастарымен кездесті.
Республикалық қоғамдық штаб мүшелері өңір кәсіпкерлерімен кандидаттың сайлауалды бағдарламасында айтылған ұлттық экономиканы дамыту және жеке бизнесті ынталандыру бойынша басымдықтарды талқылады. Штаб басшысы Ерлан Қошанов үгіт-насихат жұмыстары күн сайын қыза түсуде деді. Айта кетейік, кадидат жақтастары ел аумағында 5 мыңнан астам үгіт-насихат іс-шарасын ұйымдастырып үлгерген. Штаб мүшелері 20 қараша қазақстандықтар үшін маңызды күн екенін атап өтті.
Тоқтар ӘУБӘКІРОВ, ҚР ПРЕЗИДЕНТТІГІНЕ КАНДИДАТ Қ.ТОҚАЕВТЫ ҚОЛДАУ ЖӨНІНДЕГІ РЕСПУБЛИКАЛЫҚ ҚОҒАМДЫҚ ШТАБТЫҢ МҮШЕСІ:
Бұл таңдау еліміздің алдағы жеті жылдағы даму бағытын айқындайды. Барша қазақстандықтардың азаматтық белсенділік танытып, сайлау учаскелеріне келгені маңызды.
Кездесуден соң, штаб мүшелері Е.А. Бөкетов атындағы Қарағанды университетінің студенттерімен және оқытушы-профессорлар құрамымен кездесті. Онда Қасым-Жомарт Тоқаевтың жастарға және білім беруге қатысты саясатына баса назар аударды.
Б. Сатуов
