Спорт Қазақстан
$448.15 €483.46 ₽4.86
×

Астаналықтар сайлауға белсенді қатысып жатыр

AstanaTV
20.11.2022ж. 16:00
766
Астаналықтар сайлауға белсенді қатысып жатыр

Әкім де сайлаушы! Астана әкімі Алтай Көлгінов Қазақ ұлттық өнер университетіндегі №329 учаскеде дауыс берді.

Рабиға БАҚЫТЖАНҚЫЗЫ, ТІЛШІ:

Біз қазір Астана қаласы, Алматы ауданы, 329 сайлау учаскесінде тұрмыз. Мұнда осы аумаққа 2855 сайлаушы тіркелген. Таңғы 07:00-ден өз жұмысын бастаған сайлау учаскесіне яғни өзінің конституциялық құқығын пайдаланып, дауыс беруге келгендердің бірі – Астана қаласының әкімі Алтай Көлгінов .

Алтай КӨЛГІНОВ, АСТАНА ҚАЛАСЫНЫҢ ӘКІМІ:

Біз де сайлаушымыз. Сондықтан өзіміздің азаматтық, конституциялық борышымызды орындадық деп есептеймін. Өздеріңіз көргендей таңнан бастап 400-дей сайлау учаскелері қаламызда ашылды.

Қала тұрғыны Амандық ақсақал елде өткен сайлаудың ешқайсысынан қалмаған. «Бұл – ел үшін маңызды» дейді ол.

Амандық ЖОЛДЫБАЕВ, АСТАНА ҚАЛАСЫНЫҢ ТҰРҒЫНЫ:

Ескі сүйекпіз ғой біз. Талай сайлауды өткіздік бастан, түгелдей. Мына сайлау да жақсы. Халқымыз аман болсын. Тыныштық заман болсын.

Роза ШЫМБЕРГЕНОВА, АСТАНА ҚАЛАСЫНЫҢ ТҰРҒЫНЫ:

Мен зейнеткермін үйдегі. Жеті баланың анасымын. Осы жақта тұрамын. Көңіл-күй өте жоғары. Елімізде тыныштық болсын. Көркейе берін. Жаңа Қазақстанда өмір сүрсін деймін. Солардың болашағы жарқын болсын деп бүгінгі сайлауға дауыс беруге келдім.

Ержан ҚҰЛЫМБЕТОВ, №329 САЙЛАУ УЧАСКЕСІНІҢ ТӨРАҒАСЫ:

Комиссия мүшелері 9 адам бекітілген. Барлық комиссия мүшелерінің тәжірибесі мол. Бақылаушылардан осы таңда 5 адам отыр.

Астанада 406 сайлау учаскесі бар. Оның барлығында дауыс беру талапқа сай өтіп жатыр.

Р. Бақытжанқызы