Қырғызстан мен Өзбекстанның атақты суретшілері тәжірибе алмасу үшін Ақтау қаласына келді. Оқушылармен және студенттермен кездесулер ұйымдастырылды.
Ақтау қаласында жас суретшілерге арналған симпозиум басталды. Шараға Қырғызстан және Өзбекстаннан қылқалам шеберлері арнайы шақыртылды.
Жәнібек БЕРІКЕЕВ, СУРЕТШІ:
Мұндағы суретшілер өте белсенді және ең бастысы позитивті, өнерге құштар. Мен қалай сурет салу-сату керектігін көрсетіп қана қоймаймын. Міндет - өнерге деген көзқарас. Коммерциялық емес, шынайы.
Симпозиумның алғашқы күні студияда өтсе, екінші күні Бозжыра шатқалында ұйымдастырылады. Онда суретшілер табиғат аясына этюд салудың тың тәсілдерін меңгеретін болады.
Тынышбек БАЛТАБАЕВ, АҚТАУ ҚАЛАСЫ СУРЕТШІЛЕР ҚОҒАМДЫҚ БІРЛЕСТІГІНІҢ МҮШЕСІ:
Мысалы, көп симпозиумдерде адамдар деген өздері келіп өздері дейтін жұмыс жасап, бір оншақты суретші сөйтіп кететін еді. Ол дейтін жаңағыдай таныстыру, сұрақ-жауаптар аз болады.
Мастер класқа қатысушы Амина Кушикова – жас суретші. Мұндай халықаралық кездесулер оның таңдауын күшейтеді дейді.
Амина КУШИКОВА, ЖАС СУРЕТШІ:
Мастер-класстар қазіргі заманғы суретшілер үшін өте пайдалы. Басқа суретшілер туралы білесің. Олардың тәжірибесімен бөлісесің. Егер бұдан да жиі өткізілсе, бұл өте жақсы болар еді.
Мәдени шара Маңғыстау облыстық мәдениет, құжаттама және архивтер басқармасы мен «Азаматтық бастамаларды қолдау орталығы»-ның және «Ақтау қалалық суретшілер одағының» бастамасымен жүзеге асырылған.
Ә. Дүкембаева
