Алматы облысы, Жалаңаш ауылында жазушы Сүлеймен Мәметтің шығармашылық кеші өтті. Сүлеймен Мәмет – «Құрмет», «Парасат» ордендерінің иегері, Қазақстан Журналистер Одағының мүшесі және «Нұр Сұңқар» сыйлығының лауреаты. Қаламы қуатты жазушы ондаған кітаптың авторы. Ол өзі түлеп ұшқан Кеген ауданы, Жалаңаш ауылының мектеп оқушыларымен жүздесті. Білім алушылар арасында ақын-жазушының өлеңдері, қанатты сөздерінен үзінді оқу бойынша жарыс ұйымдастырылған. 100 - ге жуық оқушы қатысқан байқауда 10 бала жүлдегер атанып, бағалы сыйлықтарға ие болды. Сондай- ақ кеш барысында Сүлеймен Байбабаұлының «Енші» атты жаңа кітабының тұсауы кесілді.
Сүлеймен МӘМЕТ, АҚЫН, ЖАЗУШЫ:
Ауыл халқымен дидарласайын, ауыл халқына шамам келгенше көмек жасайын дедім. Менің бір таңқалғаным – ауылда талантты балалар көп екен. Өлеңдерін оқыған кезде ағып тұр шетінен. Арқалары бар. Сол балаларды тарту керек. Сол балалардың талантын ашуымыз керек деп ойлаймын.
М. Жақан
