Дәл қазір «Хабар» телеарнасының тікелей эфирінде Парламент Мәжілісі сайлауына қатысатын жеті саяси партия өкілдері арасында пікірсайыс өтіп жатыр. Телевизиялық дебат регламент бойынша үш кезеңнен тұрады. Алғашқысында қатысушылар өз партиясын 2 минут ішінде таныстырады. Сосын қарсыластарына өткір, өзекті сұрақ қоя алады. Екінші кезеңде Қазақстанды әлеуметтік-экономикалық жағынан қалай дамытатыны туралы айтады. Оған да 2 минут уақыт беріледі. Сондай-ақ, көрерменнен келіп түскен бір сұраққа жауап береді. Үшінші кезеңде сайлаушыларға үндеу жасайды. Әр қатысушының 1,5 минут уақыты бар.
