Мерекелік іс-шарада Қасым-Жомарт Тоқаев белгілі спортшы Шавкат Рахмоновпен әңгімелесті. Бұл туралы Ақорданың баспасөз қызметі хабарлады.
«Құтты болсын! Таяу арада мен қабылдаймын. Жарайсың! Мақтан тұтамыз!», - деді Мемлекет басшысы Шавкат Рахмоновқа.
Айта кетейік, қазақстандық файтер Шавкат Рахмонов (16-0) Лас-Вегаста (АҚШ) UFC 285 аралас жекпе-жектен турнирде өнер көрсетіп, қарсыласын мерзімінен бұрын жеңген болатын. Осылайша, ол UFC ресми рейтингінде 7-орынға көтерілген еді.
