Спорт Қазақстан
$448.15 €483.46 ₽4.86
×

Euro-2024: Бүгін Астанада Қазақстан - Дания матчы өтеді

AstanaTV
26.03.2023ж. 09:45
732
Euro-2024: Бүгін Астанада Қазақстан - Дания матчы өтеді

Футболдан 2024 жылғы Еуропа чемпионатының іріктеу сатысында бүгін Қазақстан құрамасы Данияны қабылдайды.

Ел құрамасы құрлықтық додада H тобында сынға түседі. Қарсыластары – Дания, Словения, Финляндия, Солтүстік Ирландия және Сан-Марино.

Қазақстан-Дания қездесуі бүгін, 26 наурызда елордадағы «Астана - Арена» стадионында сағат 19.00-де басталып, «Qazsport» телеарнасынан тікелей эфирде көрсетіледі. Айта кетсек, ұлттық құраманың аталған матчына байланысты қосымша автобустар шығарылады.

Екі команда бұған дейін төрт мәрте кездесті. Барлығында әлем чемпионаты іріктеу сатысында жолы түйіскен. Алдымен 2006 жылғы әлем чемпионаты іріктеу сатысында 0:3, 1:2 есебімен жеңілсе, 2018 жылғы доп додасында 1:4, 1:3 есебімен жол берді. Ол уақытта қазақстандық футболшылар өз алаңындағы ойынын Алматы қаласындағы Орталық стадионда өткізген. Ендеше, екі құрама арасындағы кездесу «Астана-Арена» стадионында тұңғыш мәрте болады.

Бүгінгі ойында сербиялық Новак Симович бас төреші қызметін атқарады. Оған отандастары Никола Джорович пен Милош Симович көмекшілік жасайды. Қосалқы төреші де – сербиялық Лазар Лукич.

Еске салсақ, 23 наурызда Еуропа чемпионатының іріктеу сатысы бірінші турында Қазақстан құрамасы Словенияға жол берді. Сол күні аталған топта Дания өз алаңында Финляндиядан 3:1 есебімен басым түссе, Сан-Марино Исландияға 0:2 есебімен жеңілді.

Бүгін Н тобында, сондай-ақ Словения – Сан-Марино, Солтүстік Ирландия – Финляндия құрамалары кездеседі.