Қостанай облысында полиция 15 жасар жасөспірімді іздестіріп жатыр, деп хабарлайды ҚазАқпарат полицияға сілтеме жасап.
Қостанай облысының ПД 16 сәуірде Боровской мектеп-интернатынан кетіп қалған 15 жасар Рустам Ташмағамбетовке іздеу салды.
Кәмелетке толмаған бала - Әулиекөл ауданының тумасы.
Қазіргі уақытта полиция қызметкерлері облыс орталығында және аудандарда іздестіру шараларын жүргізіп жатыр.
Полицияның бүкіл құрамы жұмылдырылған, іздеуге еріктілер қосылған.
Полиция жасөспірімді көрген-білгендер болса 102 телефоны арқылы хабарлауын өтінеді.
