Қазақстанда ҰБТ тапсыруға өтініш қабылдау басталды.
ҰБТ-ға:
2023 жылғы мектеп және колледж түлектері;
мектеп және колледждің былтырғы түлектері;
шетелде 11(12)-сынып білім алушылары;
қандастар;
шартты түрде оқып жатқан студенттер қатыса алады.
Ұлттық тестілеу орталығының хабарлауынша, тіркелу 28 сәуір мен 14 мамыр аралығында www.app.testcenter.kz сайтында жүргізіледі.
2023 жылғы мектеп түлектері ҰБТ-ға тегін қатысады, қалған тұлғалар үшін тестілеуге қатысу құны – 4 230 теңге.
Талапкерлер ҰБТ-ға тіркелетін кезде тестілеу өтетін орынды, күнді және уақытты өздері таңдайды.
Тестілеуді 2 рет тапсырып (екі сертификат та жарамды), ең үздік нәтижемен білім беру грантын тағайындау конкурсына қатысуға болады.
Талапкерлер 28 сәуір мен 6 мамыр аралығында ҰБТ-ның бірінші мүмкіндігіне, 7 мамыр мен 14 мамыр аралығында екінші мүмкіндігіне өтініш бере алады.
