$450.79 €482.21 ₽5.05
×

Қыстан кейін Астананы абаттандыру қалай жүріп жатыр

AstanaTV
29.04.2023ж. 11:58
825
Қыстан кейін Астананы абаттандыру қалай жүріп жатыр

Астанада дәстүрлі «Жасыл Астана» экологиялық айлығы жалғасып жатыр. Ол 6 мамырға дейін жалғасады, осы уақыт ішінде қалада сенбіліктер, жаппай ағаш отырғызу және басқа да жұмыстар жүргізіледі.

Күн райының жылынуымен коммуналдық қызметтер қыс мезгілінен кейін қаланы тазалау жұмысын белсенді жүргізіп жатыр.

Қоқыс жинаудан бөлек, қоршаулар, ескерткіштер, шағын сәулет нысандары және т.б. жуылады.

Сонымен қатар, күн сайын елорданың түрлі орындарына ағаш отырғызылады. Айта кетерлігі, жапырақты ағаштарға басымдық беріледі.

Сонымен қатар, экоайлық аясында Астанада коммуналдық және жалпы қалалық сенбіліктер өткізіледі.

Мәселен, еңбек ұжымдарының, қала тұрғындарының, ШОБ өкілдерінің күшімен полигонға 800 тоннадан астам қоқыс шығарылды.

Жалпы ауданы 4 млн шаршы метр болатын саябақтар мен скверлер тазартылды.

Экологиялық айлыққа 15 мыңға жуық адам, 400-ден астам кәсіпорындар мен ұйымдар, ПИК және МИБ ұжымдары, шағын және орта бизнес субъектілері және т.б. қатысты.

Бүгін, 29 сәуір күні Астанада үлкен жалпықалалық сенбілік өтіп жатыр.

Ұйымдар мен кәсіпорындар ұжымы өз аумағында ағаш отырғызып, қоқыс жинайды, сондай-ақ су айдындарының жағасын тазартады.

3 мыңнан астам ағаш пен бұта отырғызу жоспарланып отыр.