Отандық әнші Ғазизхан Шекербеков кеше ұлы Димаштың сүндет тойын дүркіретіп атап өтті. Атаулы күні Шекербеков композитор Арман Дүйсеновті еске алған.
Әншінің видеосын Мөлдір Әуелбекова Instagram парақшасында жариялады. Видеодан мейрамхана төріне ілінген экраннан марқұм Арман Дүйсенов жайлы естелік видео көрсетілді. Ал осы сәтте Ғазизхан Шекербеков Арман Дүйсеновтің әніне жазылған "Туған жер" әнін орындаған.
"Ғазизханның төл ұстазы марқұм Арман ағамызды еске алу сәті", - деп жазды Мөлдір Әуелбекова.
Естеріңізге сала кетейік, кеше отандық әнші Ғазизхан Шекербеков ұлы Димаштың сүндет тойын дүркіретіп атап өтті. Той барысында әнші биылғы жылдың қаңтарында өмірден өткен композитор Арман Дүйсеновті еске алды.
