Танымал әнші Мейрамбек Бесбаевтың әйелі Мархабат әлеуметтік желіде өзі жайлы қызықты ақпаратпен бөлісіп, жұртты таңғалдырды. Бұл туралы Stan.kz ақпарат агенттігі хабарлайды.
Мархабат Бесбаева соңғы кезде әлеуметтік желіде өте белсенді. Instagram-дағы парақшасында оқырманмен пікір алмасып, сұрақтарына жауап береді.
“Сіз сабақты жақсы оқыпсыз. Бір сыныпты тастап, бірден екіге өтіпсіз, солай ма?” деген оқырман сауалына Мархабат: “Иә, ол рас. Бірінші сыныпта оқып жүріп екінші сыныптың бағдарламасын біледі деп үшінші сыныпқа жіберді. Жақсы оқығаным үшін үшінші сыныптан бесінші сыныпқа ауыстырды. 15 жасымда мектеп бітірдім”, – деп жауап берді.
Айта кетейік, биыл Мейрамбек пен Мархаббаттың отау құрғанына 19 жыл толады. Олар 2004 жылы 8 шілде күні заңды некесін қидырып, отбасын құрған еді. Бүгінде ерлі-зайыптылар Кәусар есімді қыз бен Әбухайыр есімді ұл тәрбиелеп отыр.
