Түркістан облысында заңсыз ақша айырбастаумен айналысқан 9 азамат жауапқа тартылды.
Түркістан облысы полиция департаментінің Ұйымдасқан қылмысқа қарсы күрес басқармасының қызметкерлері мен Жергілікті полиция қызметі бірлесіп жүргізген рейд жұмыстары барысында «Жібек жолы» кеден бекетінде заңсыз ақша айырбастаумен айналысатын 9 азамат анықталды.
Қабылданған шаралардың нәтижесінде 7 азаматқа ҚР ӘҚБтК-нің 449-бабы «Қоғамдық орындарда тиісу» бойынша әкімшілік хаттама толтырылды. Сондай-ақ 2 құқық бұзушы ҚР ӘҚБтК-нің 204-бабы «Белгiленбеген орындарда сауда жасау» бойынша жауапқа тартылып, айыппұл салынды.
«Өз кезегінде тәртіп сақшылары құқық бұзушылармен профилактикалық әңгіме жүргізді, ескертті. Полицейлер бұл бағыттағы іс-шараларды алдағы уақытта да жалғастыратын болады» - делінген Түркістан облысы полиция департаментінің баспасөз қызметі таратқан ақпаратта.
