Мемлекет басшысы Шығыс Қазақстан облысының әкімі Ермек Көшербаевты қабылдады. Президент өңірдің жаңа басшысына маңызды міндеттер жүктеді. Азаматтардың тұрмыс сапасы мен әл-ауқатын одан әрі арттыру, аймақ экономикасын дамыту мәселелеріне тоқталды. Сондай-ақ өнеркәсіп, ауыл шаруашылығы, шағын және орта кәсіпкерлік салаларындағы тұрақты өсімді қамтамасыз ету керек екенін айтты. Коммуналдық инфрақұрылым нысандарын жаңғыртып, жылыту маусымына дайындық жұмыстарын пысықтауды тапсырды.
