Қазақстандағы сейсмологиялық саланы дамытудың 2024-2028 жылдарға арналған кешенді жоспары бектілмек.
Ашық НҚА порталында жарияланған жоспарға сай, алдағы 4 жыл ішінде мына жұмыстар атқарылуы тиіс:
- құтқару бөлімшелерінің материалдық-техникалық базасын нығайту және жаңарту;
- төтенше жағдай аймағында іздестіру-құтқару жұмыстарын жүргізу кезінде тиімділік пен жеделдікті арттыру;
- инженерлік, құрылыс және өзге де техниканы, сондай-ақ жойқын жер сілкінісінің салдарын жою үшін жұмысқа рұқсаты бар адамдарды тарту;
- жойқын жер сілкінісі кезінде төтенше жағдайларға ден қою бойынша практикалық дағдылар деңгейін арттыру;
- зардап шеккен халықты қажетті көлемде ауызсумен және шаруашылық сумен қамтамасыз ету;
- жағдайды болжау мүмкіндігін кеңейту;
- зардап шеккен халыққа дәрігерлік көмек көрсету үшін дереу түрде медицина қызметкерлерін тарту, сондай-ақ дәрі-дәрмектермен және жабдықтармен қамтамасыз ету;
- жойқын жер сілкінісі кезіндегі іс-әрекеттер бойынша халыққа ақпарат тарату.
«2024-2028 жылдар аралығында жобаны іске асыру үшін 72 млрд 450 млн 120 мың теңге сомасына республикалық бюджеттен қосымша қаражат талап етіледі», - деп қажетті қаражатты көрсеткен Төтенше жағдайлар министрлігі.
Құжат 10 тамызға дейін көпшілік талқылауда болады.
