Қайырлы кеш, спорт сүйер қауым! Сіздермен «Астана» телеарнасында қазақстандық және әлемдік спорттағы басты жаңалықтар туралы күнделікті «бес минут» айдары. Менің атым Нұрлан Нұрыш. Біз бастаймыз!
Қазақстан Будапештте өткен каратэден әлем чемпионатында тарихи нәтиже көрсетті. Команда үш медаль жеңіп алды. Мөлдір Жаңбырбай кумитеде 50 келіге дейінгі салмақта алтын алды. Финалда ол итальялық Эрминия Перфеттоны жеңді. Бұл әлем чемпионаттарындағы Қазақстанның алғашқы алтын медалі. Бұған дейінгі ең үлкен жетістік 2008 жылы Токиода Дархан Асадиловтың күміс медалі еді.
Ал Қайсар Алпысбай финалда Грек спортшысы Христос-Стефанос Ксеностан жеңіліп, жарыстың күміс жүлдегері атанды. Жартылай финалда қазақстандық әлем чемпионы итальяндық Анджело Крешенцоны сенсациялық түрде өтті.
Тағы бір қазақстандық Дидар Әмірәлі Иорданиялық Афифа Гаитті жеңіп, 67 келіге дейінгі салмақ дәрежесінде қола алды. Нәтижесінде Қазақстан жалпы командалық есепте 3 медаль жеңіп алып, бесінші орынға ие болды.
Каратэден әлем чемпионатында Мөлдір Жаңбырбай тарихи алтынға қол жеткізді
Қазақстандық теннисші Елена Рыбакина Мексиканың Канкунындағы WTA қорытынды турнирінде алғашқы матчын өткізді. Рыбакинаның қарсыласы америкалық Джессика Пегула болды. Матч АҚШ теннисшісінің екі сетте жеңіске жетуімен аяқталды — 5:7, 2:6. Матч алдында қазақстандық ойынның фавориті болды.
Сондай-ақ, Елена Рыбакинаның топ бойынша қарсыластары Беларусь теннисшісі Арина Соболенко мен грекиялық Мария Саккари болады. Турнирдің жүлде қоры 9 млн долларды құрайды. Рыбакинаның соңғы жарысына келетін болсақ, ол Бейжіңдегі турнирде ойнады. Онда ол жартылай финалға дейін жетіп, ресейлік Людмила Самсоновадан жеңілді.
РЫБАКИНА ПЕГУЛАДАН ЖЕҢІЛІП ҚАЛДЫ
Құрлықтық хоккей лигасының матчында астаналық «Барыс» Нижний Новгородтық «Торпедомен» ойнады. Ойынның басталуына дейін қазақстандық клуб Шығыс конференциясының соңғы орнын иеленді, ал ресейлік клуб Батыста төртінші орында болды.
Бірінші кезеңде қонақтар алға шықты, ал екінші кезеңде басымдықты тағы бір шайбаға арттырды. Соңғы жиырма минутта Батырлан Мұратов есепті қысқартты. Қорытынды есеп: 1:2 Қазақстандық клубтың қатарынан үшінші жеңілісі. 31 қазанда «Барыс» Магнитогорсктің «Металлургімен» кездеседі.
«Барыс» 3 матч қатарынан ұтылды.
Алматылық «Қайрат» футзал Чемпиондар лигасының негізгі раундының қорытынды матчында испандық «Пальмамен» кездесті. Матч Испанияда өтті және алаң иелерінің 4-3 жеңісімен аяқталды. Осылайша Пальма үш матчта үш жеңіске жетті және тоғыз ұпаймен топта бірінші орынға шықты. «Қайрат» төрт ұпай жинап, екінші орында. Элиталық раундқа шыққан үшінші команда венгриялық «Халадаш» болды. Оның екі ұпайы бар. Естеріңізге сала кетейік, «Пальма» Чемпиондар Лигасының қазіргі жеңімпазы.
«ҚАЙРАТ» «ПАЛЬМАДАН» АЙЛАСЫН АСЫРА АЛМАДЫ
Қазақстан Премьер-Лигасының 2023 жылғы маусымының қорытындысы бойынша Чемпионаттың барлық жүлдегерлері белгілі болды. Қазақстан чемпионы «Ордабасы» атанды, Шымкент клубы өз тарихында тұңғыш рет ұлттық біріншілікті жеңіп алды. Бұған дейін оның чемпионаттағы ең жақсы жетістігі 2017 және 2019 жылдардағы қола медальдар болды. Ал «Астана» титулды қорғай алмады және маусымды турнир кестесінде екінші орында аяқтады. Қазақстан Премьер Лигасының-2023 қола жүлдегері «Ақтөбе» атанды. Премьер-Лигадағы орнын сақтай алмаған командаларға келетін болсақ, маусым қорытындысы бойынша «Ақсу», «Каспий» және «Оқжетпес» келесі жылы бірінші лигада өнер көрсетеді.
Ағылшын Премьер-Лигасының оныншы турындағы матчта Манчестер Юнайтед Манчестер Ситимен ойнады. Кездесу «Олд Траффорд» стадионында өтіп, қонақтардың 3-0 есебімен жеңісімен аяқталды. 25-минутта норвегиялық шабуылшы Эрлинг Холанд Манчестер Ситиді алға шығарды. 49-минутта Холланд Бернарду Силваның пасынан кейін дубль жасады. 80-минутта норвегиялық Фил Фоденге нәтижелі пас берді.
Манчестер Сити он матчтан кейін 24 ұпай жинап, турнир кестесінің үшінші сатыға көтерілді. 15 ұпаймен «Манчестер Юнайтед» сегізінші орында. АПЛ-дің жалғыз көшбасшысы – Лондондық «Тоттенхэм». Командада 26 ұпай.
Ойыннан кейін Холанд 2023 жылы ең көп гол соққан ойыншы атанды. Бұған дейін кестеде 43 голымен «Әл-Насрдың» шабуылшысы Криштиану Роналду тұрған. Сонымен қатар, топ-5-ке: Харри Кейн, Киллиан Мбаппе және Барнабаш Варга кіреді.
МАНЧЕСТЕРЛІК ДЕРБИДІҢ ЖЕҢІМПАЗЫ - «СИТИ»
Наполи өз алаңында Италия чемпионатының 10-турында Миланмен 2-2 есебімен тең түсті. Қонақтардың ойыншысы Оливье Жирудың екі голына алаң қожайындары Маттео Политано және Джакомо Распадоридің екі голымен жауап берді. Ойында Наполи командасы 50-минутқа дейін 0:2 есебімен ұтылғанын ескеру керек. Осы матчтан кейін «Наполи» 18 ұпаймен турнир кестесінде төртінші, «Милан» 22 ұпаймен үшінші орында.
«Наполи» «Миланмен» тең түсті
Жаңа тегін X5 ойыны (Winline букмекерінен)
Winline қосымшасын жүктеп алыңыз
5 матчтың нәтижелерін таңдаңыз, сонда
5 миллион (теңге) сіздікі болуы мүмкін!
Винлайн қосымшасының х5 бөліміне кіріп, экранда көрсетілген ойындардың нәтижесін тапсаңыз жүлде сіздікі! Еш күмәніңіз болмасын, Winline төлейді.
