Бүгін елімізде 20 миллионыншы тұрғын дүниеге келді. Сүйінші хабарды Мемлекет басшысы Қасым-Жомарт Тоқаев өзінің Twitter парақшасында бөлісіп, қазақстандықтарды құттықтады. Халқымыздың саны 20 миллионға жетті! Баршаңызды ақжолтай жаңалықпен құттықтаймын! Бақытты отбасы – бақуатты елдің негізі. Мемлекет отбасы құндылықтарын нығайтуға, ана мен баланы қорғауға баса мән береді, – деп жазды Қасым-Жомарт Тоқаев желіде.
