$457.29 €490.35 ₽5.97
×

Оралда газ желісіне заңсыз қосылған нысандар тексеріліп жатыр

AstanaTV
22.12.2016ж. 20:00
1885
Оралда газ желісіне заңсыз қосылған нысандар тексеріліп жатыр

Оралда газ желісіне заңсыз қосылған нысандар азаяр емес. "Коммуналдық қызметтерді есептеу орталығының" дерегінше, 228 азамат үйіне газ құбырын өз бетінше тартып алған. Кәсіпкерлер де қалысар емес - жеке бизнес нысандарына қатысты осындай 59 жағдай анықталған. Олар ғимаратқа арнайы есептегіш құрылғы орнатпаған, көгілдір отын үшін көк тиын да төлемейді. Тексеру кезінде газ құбырына заңсыз қосылған тағы бір ғимарат желіден ажыратылды. Мамандар бұл нысанның еш жерде тіркелмегенін айтады.

Заң бойынша жаңа ғимараттар алдымен "Коммуналдық қызметтерді есептеу орталығында" тіркелуі тиіс. Осыдан кейін ғана нысан газ желісіне қосылады. Заңға бағынбаудың кесірінен газ текке ысырап болып жатыр,- дейді мамандар.

Еламан Ілиясов, "Коммуналдық қызметтерді есептеу орталығы - Орал" ЖШС бөлімінің маманы:

Газ жарылуы мүмкін, қазір көп жағдайлар болып жатыр қыс кезінде. Ауа райы да суық. Заң бойынша бұл мекемелерге жауаптылық қарастырылмаған. Сондықтан біздің мекеме оған айыппұл салады. 

Еркін КАРИН

orda

«Orda FM» радиосы

Бұл жақсы музыка, өзекті жаңалықтар, қызықты бағдарламалар мен еркеліктер толқыны
Онлайн тыңдау
AstanaTV жарнамасы

Телеграм-канал AstanaTV

Подпишитесь на наш телеграм-канал и будьте в курсе всех событий моментально . Участвуйте в различных розыгрышах