Қызылордада қарақшылық жасаған азамат 5 жылға бас бостандығынан айырылды, деп хабарлады Polisia.kz.
Былтыр қыркүйекте күдікті қалада 2 адамды соққыға жығып, олардың қымбат телефоны мен 1 млн теңгеден асатын ақшасын тартып алған.
Жүргізілген жедел-іздестіру шарасы нәтижесінде полиция 32 жастағы қызылордалықты ұстады.
Сотталушы сот үкімімен Қылмыстық кодекстің 192-бабы 2-бөлігіне сәйкес кінәлі деп танылып, 5 жылға бас бостандығынан айырылды.
Сот үкімі заңды күшіне енді.
