Бүгін -қасиетті Рамазан айының соңғы күні. Ертең Айт мерекесі басталады. Еліміздегі барлық мешіттерде айт намазы оқылады. Ол Астана, Шымкент қалаларында таңғы сағат 7.00-ге, ал Алматы қаласында 6.30-ға белгіленген. Мұсылмандар ораза айтты Рамазан айын аман-есен өткергеніне шүкіршілік ретінде тойлайды. Бұл күндері жамағат сән-салтанатпен киініп, мол дастархан жайып, бір-біріне сый-сыяпат жасап, балаларға тарту-таралғы үлестіреді.
