$457.7 €492.81 ₽6.49
×

Қазақстанда «Синий кит» ойынының құрбандары 2016 жылы да тіркелген

AstanaTV
07.02.2017ж. 20:00
3205
Қазақстанда «Синий кит» ойынының құрбандары 2016 жылы да тіркелген

Суицидке итермелейтін "Көк кит" ойынының алғашқы құрбандары өткен жылы тіркелген. Батыс Қазақстан облысында екі оқушы асылып қалыпты. Бұл туралы облыстық прокуратура өкілдері мәлімдеді. Биыл тағы екі бала осы ойынның құрбаны бола жаздаған. Прокурорлар алдын алу жұмыстары кезінде "Вконтакте" желісінің өзінде 12 топтың жастарды өлімге шақыратынын анықтаған. Дені ресейлік сайттар. Олардың ішінде әйгілі "Көк кит" те бар.

Алмагүл Исмағұлова, БҚО прокурорының аға көмекшісі:

Әлеуметтік желілерді тексеріп, мұндай қайғылы жағдайға жол бермедік. Қазір бұл балалармен психологтар жұмыс істеп жатыр. Енді зиянды сайттарды бұғаттау туралы ұсыныс дайындап жатырмыз. Тексере келгенде 15-17 жастағы жасөспірімдердің суицидке бейім екендігі анықталды. Олардың мұндай күйге түсуіне ата-аналарымен сөзге келуі, жеке басындағы сәтсіздіктер мен әлденеден қорқуы себеп болыпты. Қауіпті ойынға шырмалған олар желіде тіпті қашан өлетінін де жариялаған.

Жамбыл облысының прокурорлары да қос бірдей оқушы қауіпті ойынның шырмауына іліккенін анықтаған. Балалар аман. Осы ойынды жеткіншектердің жаңадан ойнай бастағанын прокурорлар әлеуметтік желіге жүргізген мониторинг барысында анықтап отыр.

Абырой Азаматов, Жамбыл облысы прокурорының аға көмекшісі:

8-ші сынып оқушысы «Синий кит» ойынының 2-ші кезеңіне жеткен екен. Біз балаларды «ВКонтакте» желісінен анықтадық. Оларға ойын барысында 1-2 сағатқа музыка тыңдап, қолдарына қаламсаппен киттің кескінін салу тапсырылыпты. Қазір балалардың жағдайы жақсы. Олармен психологтар жұмыс жүргізіп жатыр. Ең сорақысы, оқушылар букмекерлік әрі порно сайттарға кез-келген сынып компьютерімен кіре береді. Біз былтыр прокурорлық тексеріс барысында бұған шектеу қойғанбыз. Білім басқармасындағылар тапсырманы орындамағаны қынжылтады.

Шығыс Қазақстанда да екі оқушы осы ойынды ойнамақ болған. Прокурорлар оларды дер кезінде тоқтатыпты.

Рустам Шидердинов, ШҚО прокуратурасы бірінші басқармасының басшысы:

Біз пабликте «Көк киттің» Семей қаласының аспанында қалықтаған суретінің пайда болғанын байқадық. Ары қарай бақылай отырып бұл ойынға 2 кәмелеттік жасқа толмаған жас балалардың қызығушылық танытқаны білдік. Жастардың дені парақшаларға өз аты-жөнімен тіркелмейді. Сондықтан табу қиын. Бірақ біз, оларды анықтап, бірден психологқа жібердік. Олар ешбір тапсырмаларды орындап үлгермеген. 

orda

«Orda FM» радиосы

Бұл жақсы музыка, өзекті жаңалықтар, қызықты бағдарламалар мен еркеліктер толқыны
Онлайн тыңдау
AstanaTV жарнамасы

Телеграм-канал AstanaTV

Подпишитесь на наш телеграм-канал и будьте в курсе всех событий моментально . Участвуйте в различных розыгрышах
Соңғы жаңалықтар