Спорт Қазақстан
$449.58 €486.94 ₽4.86
×

Сириядағы жағдайды реттеу бойынша Астана жиынына қатысушы елдер белгілі болды

AstanaTV
14.02.2017ж. 20:00
2445
Сириядағы жағдайды реттеу бойынша Астана жиынына қатысушы елдер белгілі болды

Сириядағы жағдайды реттеу бойынша Астанада өтетін жиынға қатысушы мемлекеттер  анықталды. Бұл туралы сыртқы істер министрі Қайрат Әбдірахманов мәлімдеді. Аталған келіссөздер Елордада ақпанның 15 мен 16-сында өтеді деп жоспарланған. Министрдің сөзінше, Ресей, Иран, Түркия, Иордания мен Сирия үкіметі Астана келіссөзіне қатысатынын растады. Сондай-ақ кепіл болып отырған мемлекеттер келіссөзге АҚШ тарапын да шақырған. Алайда осы жолғы шараға АҚШ қатыса ма, жоқ па - ол жағы әзірге белгісіз. Алдын ала болжам бойынша, жиында қарулы қақтығыстарды тоқтатуды қадағалайтын оперативті топ құру жөніндегі құжаттар қаралады.

Қайрат Әбдірахманов, ҚР Сыртқы істер министрі:

Кепіл мемлекеттермен қатар осы мәселеге қызығушылық танытқан елдер қозғап отырған нақты сауалдар бар. Алдымен, әрине, атыс-шабысты доғаруға қатысты. Мұнда осы режимді қалай сараптауға болатыны жайлы әңгіме қозғалады. Келісімді бұзған жағдайда, бұған жол берген мемлекетке қандай санкциялар қолданылатыны да сөз болады.