Сенат депутаты Ләззат Қиынов, нан сапасына байланысты елең еткізетін мәселе айтты. Тыңдайық:
Ләззат Қиынов, ҚР Парламенті Сенатының депутаты:
Бұрынғы кеңес одағынан келе жатқан, қазір де қолданатын ашытқылар улы көрінеді. Олармен нан пісіруге мүлдем болмайды екен. Себебі ашытқыны ойлап тапқан адамның өзі нан пісіруге қолдануға болмайды деген. Ол ашытқыда формалин бар. Ал формалинді мысалы, мәйітті бұзылып кетпеу үшін пайдаланады.
Ауыл шаруашылығы министрінің бірінші орынбасары Қайрат Айтуғанов бидай сапасының жыл сайын төмендеп бара жатқанын ғана айтты. Ал біз осы министрлікке қарайтын Қазақ өңдеу және тағам өнеркәсібі ғылыми-зерттеу институтына хабарласып, бас директорынан комментарий алдық. Жексенқұл Әлімқұлов, «формалин – у» деп кесіп айтпады. Бірақ жақсы емес дегенге келтірді.
Жексенқұл Әлімқұлов, Қазақ өңдеу және тағам өнеркәсібі ғылыми-зерттеу институтының бас директоры:
Классикалық нан пісіру бойынша, ашытқылар қолданып келе жатыр. Ол ашытқыда өзіңіз айтқан формалин бар. Біздің институт басқа ашытқы ойлап тапты. Одан патент алдық. Шетелде де патент алдық. Оны сүт қышқылы бактерияларын қолдана отырып алып отырмыз.Енді өндірістік жолға шығару керек.
Бірінші вице-министрдің отандық ғалымдар ойлап тапқан ашытқы туралы айтпағаны түсініксіз. Өздеріне қарайтын институт ғалымдарының...Біздің тілшілеріміз Алматы ашытқы зауытына да хабарласқан - директоры Владимир Егудкин телефон арқылы берген жауабында ашытқыда формалин жоқ,- дейді.
Владимир Егудкин, Алматы ашытқы зауытының директоры: /телефон арқылы/
Нан пештен пісіп шыққанда ондағы ашытқы жоқ болады. Микроскоппен көрінетін микроорганизмдер өліп кетеді. Сондықтан нанды улы деу абсолютті абсурд. Басқа сөзім жоқ. Құрамында формалин де жоқ. Ешқандай ашытқыда.
Сонымен формалин бар ма, жоқ па? Түсініксіз. Тақырыппен жалғасатын тағы бір мәселе – нанның сапасы. Астықты ел бола тұра, сапасы төмендеп барады дегенмен, бәрібір клейковинасы жоғары бидай шығаратын мемлекет бола тұра дүкен сөрелеріндегі массаға арналған нан сапасы неге онша емес?
Жексенқұл Әлімқұлов, Қазақ өңдеу және тағам өнеркәсібі ғылыми-зерттеу институтының бас директоры:
Бұрындары біз сапалы ұн шығаратынбыз. Ұнның сапасы жақсы болатын. Себебі бидайдың сапасы жақсы болатын. 3-класты бидайдың өзі техникалық талапқа сәйкес болатын. Қазір наубайханалар ала береді – сапасына аса мән бермейді. Күнбе күн немесе екі күн ішінде шығарып, сату керек.
Ал Еуропада, оның ішінде Францияда жей бергің келетін бөлкенің дәмді болатыны қоспалардың арқасында,- дейді, маман.
Жексенқұл Әлімқұлов, Қазақ өңдеу және тағам өнеркәсібі ғылыми-зерттеу институтының бас директоры:
Дәмділігін арттыру үшін олар қоспалар қосады. Алайда оларда ақуыздылығы 24-25 пайыздан аспайды. Бізде 28-30 пайызға дейін, одан да жоғары. Француз нанының дәмді болатыны неше түрлі қоспалар қосады, өсімдіктен алынған қоспалар бар. Біздің нанның белсенділігі мен қуаттылығы күшті.
Қарапайым адам үшін нан қарапайым болса да, зиянды қоспаларсыз болуы керек. Себебі бәрібір, қарапайымдар үшін негізгі ас - нан болып қалып отыр...
