$477.03 €521.44 ₽5.43
×

Сүт өнімдері импорты 800 мың тоннаға дейін өсті

AstanaTV
24.06.2024ж. 14:35
192
Сүт өнімдері импорты 800 мың тоннаға дейін өсті

2023 жылы осы саладағы импорт 800 мың тоннаға дейін өсті, деп хабарлайды Inbusiness.kz.

"Егер тұтас сүт пен ашытылған сүт өнімдеріне өз өндірісі ішкі қажеттілікті жабатын болса, онда сатып алушы ішетін йогурттардың, қаймақтың, айранның және басқа да өнімдердің кең ассортиментін көреді. Бірқатар басқа атаулар бойынша қиындықтар бар", - деді Ауыл шаруашылығы министрі Айдарбек Сапаров.

Импорттың негізгі үлесін кілегей, май, құрғақ сүт, ірімшік және сүзбе алады. Тек соңғы жылдың өзінде сүт өнімдерінің импорты шикі сүтке қайта есептегенде 2022 жылғы 580 мың тоннадан 2023 жылы 800 мың тоннаға дейін өсті.

Арзан импорттың қысымынан басқа, біз өз дайын өнімдеріміздің жоғары өзіндік құнын көреміз. Мысалы, сары майды алайық.

Қазақстандық сары майдың өзіндік құны – килограмына 3100 теңге. Ал импорттың орташа бағасы – килограмына 1800-2300 теңге.

"Әрине, бұл жерде техникалық регламенттерге және тұтынушылардың өнімнің құрамы мен сапасы туралы хабарсыздығына да байланысты, бірақ мұндай бәсекелестік ішкі өндіріске кері әсерін тигізеді. Сапасы төмен өнімдер мәселесін шешу үшін жауапты мемлекеттік органдардың қолдауы қажет.
Сондай-ақ, халықпен: спрэд пен сары май, ірімшік пен ірімшік өнімі арасындағы және барлық басқа позициялар арасындағы айырмашылығы жайлы үлкен түсіндіру жұмыстары қажет. Бұл мәселеде Мәдениет және ақпарат министрлігі мен Денсаулық сақтау министрлігінің қолдауы қажет", - деді спикер.