Алматыда күзет қызметі автобусының қатысуымен жол апаты болды. Оқиға Алмалы ауданында тіркелген. Куәгер Евгений Мухамеджановтың айтуы бойынша жеңіл көліктегі жігіт бағдаршамның сары түсіне қиылыстан өтіп бара жатқанда, полиция автобусы уақытынан сәл бұрын қозғалып көлденең келген көлікті ысырып әкеткен. Аталған жағдайға байланысты тергеу басталды.
Салтанат ӘЗІРБЕК, АЛМАТЫ ҚАЛАЛЫҚ ПД РЕСМИ ӨКІЛІ:
Бүгін таңғы сағат 07:40 – та Қабанбай батыр мен Желтоқсан көшелерінің қиылысында болған Мамандандырылған күзет қызметі Басқармасының қызметтік көлігінің қатысуымен болған жол-көлік оқиғасы бойынша тергеу басталды. Оқиға салдарынан «Сузуки» көлігінің жүргізушісі зардап шекті. Ол қалалық ауруханалардың біріне жеткізілді. Жол-көлік оқиғасының басқа да мән-жайлары анықталуда.
