1 жасар бала үшінші қабаттан құлап кетті, деп хабарлайды ҚР Төтенше жағдайлар министрлігінің баспасөз қызметі.
Баспасөз қызметінің мәліметтеріне қарағанда, оқиға Тараз қаласында болған.
Осыған дейін елордада 1 жасар баланың екінші қабаттан құлап кеткенін жазған болатынбыз.
«Бір жасар бала екінші қабаттағы терезеден құлады. Оқыс оқиға бүгін Астана қаласының Алматы ауданында болды. Түрлі жарақаттар алған сәби (ұл) ауруханаға жатқызылды», - деп хабарлайды Төтенше жағдайлар министрлігінен.
Осы оқиғаға байланысты ҚР Төтенше жағдайлар министрлігі ескерту жасады.
«Құрметті ата-аналар ТЖМ ескертеді:
Кішкентай балаларды қараусыз қалдырмаңыз;
Москит торлары құлаудан қорғамайды;
Балаларға ересектерсіз балконға шығуға рұқсат бермеңіз»,-делінген хабарламада.
