Қасым-Жомарт Тоқаев Өзбекстан президенті Шавкат Мирзиёевті «Алтын Қыран» орденімен марапаттады, деп хабарлайды Ақорда.
Өзбекстан басшысы елдеріміз арасындағы достық пен қарым-қатынасты дамытуға зор үлес қосты. Осыны ескере отырып, мен Шавкат Мирзиёевке мемлекеттің ең жоғары марапаты «Алтын Қыран» орденін беруді ұйғардым, - деді Қасым-Жомарт Тоқаев.
Қазақстан президенті бұл бүкіл халықтың ерекше құрмет белгісі екенін атап өтті.
«Алтын Қыран» – Қазақстан Республикасының ең жоғары дәрежедегі ерекшелік белгісі.
