Қазақстандықтар президенттің 1 күндік жеке мобилографы бола алады. Ол үшін арнайы байқаудан өту қажет. Бұл туралы белгілі мобилограф Қыран Талапбек хабарлады, - деп хабарлайды Massaget.kz тілшісі.
Қыран Талапбектің сөзінше, ең жас және креативті мобилограф президенттің 1 күндік жеке мобилографы бола алады. Бұл жаңа кәсіп еліміздің тарихын жасайтын - тарихи кезең.
"Құрметті,ханымдар мен мырзалар, барлық шәкірттеріміз бен мобилографтар, контентмейкерлер! ВИДЕОЛАРЫҢЫЗДЫ ТИКТОК және Инстаграмға #nomadgamesfestсалыңыз.
Көшпенділер ойындарына арналған ең креативті промо-ролик түсіріп, оны әлеуметтік желілерге, WhatsApp, Telegram-ға #nomadgamesfest хештегімен жариялаңыз. Бұл - сіздің өзіңіздің қабілеттеріңізді көрсетіп, керемет сыйлықтар ұтып алатын мүмкіндігіңіз!", - дейді Қыран.
Жеңімпазға қандай сыйлықтар беріледі?
Гран-при:
Президенттің жеке мобилографы болу,
iPhone 15 Pro Max,
MOBILOGRAPHY BOX (жарық, микрофон),
+ 1 000 000 теңге
Екінші орын - 1 000 000 теңге.
Үшінші орын- iPhone 15 Pro Max.
Төртінші орын- 500 000 теңге.
5-15-орындар- MOBILOGRAPHY box (жарық және микрофондар).
16-20-орындар - Мобилография курсы (онлайн оқу).
21-100-орындар- Жеке мадақтамалар.
101-150-орындар - Арнайы сертификаттар.
Бөлек 50 орын.
Сіздің видеоңыз әлеуметтік желіде 100 000 қаралым жинаса - 50 000 теңге сыйлыққа. (TikTok, Instagram).
Қатысушылар 1 қыркүйекке дейін қабылданады, ал жеңімпаздар 9 қыркүйекте анықталады.
