ЭКСПО
құрылысына бөлінген қаражаттың 302 миллиард теңгесі үнемделді. Бұл туралы
"Астана-ЭКСПО" көрмесінің басқарма төрағасы Ахметжан Есімов айтты.
Бүгін бір топ мәжілісмен жаңа қалашықтағы құрылысты бақылап, сатылымға шыққан
көрме билеттерін де сатып алды. Депутаттардың құрылыс жұмыстарына көңілдері
толды ма? Елдос Сапарғали сабақтайды.
Белгілінген
уақыттан ерте келіп, кассаға ентелеген мәжілісмендер ЭКСПО көрмесінің
билеттерін қос-қостан алып жатыр. Айтулы шараға әлі үш ай бар болса да, күні
бұрын қамданған депутаттар билет алып ғана қоймай, халықаралық көрме
орталығының жай-күйімен танысты.
Азат
Перуашев, ҚР Парламенті Мәжілісінің депутаты:
Қоғамда
көп сын айтып отыр осы ЭКСПОға байланысты. Әсіресе, құрылыс жұмыстарына қарай,
көпір құлады ма, тағы бірдеңе деп. Мен енді осы жолы сол күмәнданып келуші
едім. Ал қазір қарасам, шынын айтсам, көңілімнен шықты барлығы.
Бөлінген
бюджетті қайта саралаған «ЭКСПО» басшылығы әр ғимараттың құрылысын барынша
тиімді салуға тырысқанын алға тартты. Басқарма төрағасы Ахметжан Есімовтің
айтуынша, тиімді жұмыстың арқасында құрылысқа бөлінген жалпы қаражаттан 302
миллиард теңге үмемделген.
Ахметжан
Есімов, «Астана ЭКСПО-2017» ҰК» АҚ басқармасының төрағасы:
Жалпы
еліміз бойынша отандық тауарларды пайдалану үшін өнеркәсіптердің жұмысын
жандандырдық. Бір жағынан жаңа жұмыс орындары ашылса, екінші жағынан бізге де
ақша үнемдеуге мүмкіндік туды. Жалпы мемлекет көлемінде 50 мың адамды жаңа
жұмыс орнымен қамтыдық.
Басқарма төрағасының айтуынша қазір EXPO қалашығында 16 ғимарат арнайы
сараптамадан өтіп, қолданысқа берілген. Бүгінде сол павильондардан 90 елдің
өкілдеріне аймақ бөлініп, безендіру
жұмыстары басталып кетіпті. Жалпы құрылыстың негізгі бөлігі аяқталғанымен, үлкен
конференц зал мен өзге павильондарда жұмыстар әлі жүріп жатыр. Шатыры құлаған
ғимараттың төбесі де жақын уақытта дайын болмақ.
Елдос САПАРҒАЛИ
