Биыл Жетісу облысына 188 миллиард теңге инвестиция тартылды. Бұл туралы өңір әкімі Бейбіт Исабаев Президент қабылдауында айтты. Ол Мемлекет басшысына облыстың 7 айдағы әлеуметтік-экономикалық дамуының қорытындылары туралы есеп беріп, алдағы жоспарын таныстырды. Айтуынша, ағымдағы жылдың қаңтар-шілде айларында қысқа мерзімді экономикалық индикатор 112,4 пайызды құраған. Қазір бірқатар перспективті инвестициялық жоба іске асырылып жатыр. Олардың қатарында Кербұлақ ауданындағы металлургия комбинаты, «Қазақстан-Қытай халықаралық өнеркәсіп қаласы» индустриалды паркі бар.
БЕЙБІТ ИСАБАЕВ, ЖЕТІСУ ОБЛЫСЫНЫҢ ӘКІМІ:
Мемлекет басшысы өңірдің әлеуметтік-экономикалық дамуының өсу нүктелері болып табылатын ауыл шаруашылығы, транзиттік-транспорттық мүмкіндіктер, инфраструктуралық құрылымдар, туризмді дамыту мәселесі, содан кейін ең негізгі мақсат – бұл халықтың тұрмыстық жағдайын лайықты өмір сүруіне барынша жағдай жасау жөнінде бірқатар тапсырмалар берді.
