Ресей
мен Қытай Сирияның Идлиб аймағында болған химиялық шабуылды зерттеуге қатысты
БҰҰ-ның қарарын бұғаттады. Химиялық қаруға тиым салатын одақ қажетті ақпарды
жинай бастаған. Осыны алға тартқан Ресей тарапы оқиға орнына сарапшыларды
жіберетінін мәлімдеді,- деп хабарлайды Рейтерс.
АҚШ
пен Ұлыбритания бастаған бірқатар мемлекеттер 72 адамның өмірін қиған химиялық
шабуылға Башар Асадтың жақтастары кінәлі деген пікір білдірген. Алайда,
Ресейдің БҰҰ-дағы тұрақты өкілі мұны құптамайды. Al Jazeera арнасы мен Түркияның
Anadolu агенттігі шабуыл салдарынан кем дегенде 100 адам мерт болып, 500-дейі
түрлі дәрежеде жарақат алды деп ақпар таратқан. Бейбіт тұрғындарға қандай
химиялық заттың шашылғаны, және улы газды қай елдің ұшағы шашқаны әзірге
белгісіз күйде қалып отыр.
