Павлодар өңірінде тағы бір жетімдер үйі жабылады. Облыстық білім беру басқармасының мәліметінше, соңғы жеті жылда 4 мекеме жабылған. Өңірде 4 интернаттық типті мекеме бар. Сондай-ақ, 2 отбасы үлгісіндегі ауыл, 5 отбасы үлгісіндегі балалар үйі мен 2 арнайы мекеме жұмыс істейді. Шенеуніктердің ақпарынша, аталған орталықтарда 2010 жылы 800-ден астам балғын тәрбиеленген. Ал, қазір олардың саны екі есеге азайып, 484-ті құраған. Білім басқармасындағылар көрсеткіштің әлі де төмендейтініне сенімді. Өткен жылы 99 балғын ата-анасымен қайта қауышқан.
Маржан Қайырбаева, Павлодар облыстық білім басқармасының бөлім басшысы:
Егер
бізде 2010 жылы 19 балалар үйі болса, қазір оның саны 14-ке қысқарған. Биыл
тағы біреуін жабуды жоспарлап отырмыз. Бұл жерде интернат типті ірі мекемелерді
жабуға басымдық береміз. Өйткені тәрбиеленушілер саны азайып жатыр.
