Астана мен Алматы қалаларындағы ақша айырбастау пункттерінде доллар 492– 496 теңгеден саудаланып жатыр, деп хабарлайды Astana TV.
Kurs.kz мәліметінше, қазіргі уақытта Алматының ақша айырбастау пункттерінде доллар 492,7 теңгеден сатылып жатыр, сатып алу бағамы — 494,7 теңге.
Ал, Астана қаласы бойынша долларды сату бағамы — 491 теңге, сатып алу құны — 496 теңге.
Ұлттық банктің 10 қарашаға арналған ресми бағамы — 1 долларға 491,71 теңге.
Осыған дейін отандық қаржы сарапшылары теңгенің долларға шаққандағы бағамына қатысты өз ойларын айтты.
Қаржы сарапшысы Расул Рысмамбетов қазір теңгенің әлсіреуі АҚШ-тағы сайлаудың нәтижесі емес, ең алдымен ішкі экономикалық факторларға байланысты деп есептейді.
