Қазақтың үйлену рәсіміндегі ең маңызды салттардың бірі беташар адамзаттың материалдық емес мәдени мұрасының тізіміне енді. Бұл туралы Мемлекеттік кеңесші Ерлан Қарин әлеуметтік желідегі парақшасында жазды. Айта кетейік, бұған дейін қазақ күйі, күрес және киіз үй жасау дәстүрлері ЮНЕСКО-ның мәдени мұрасына кірген еді.
ЕРЛАН ҚАРИН, ҚР МЕМЛЕКЕТТІК КЕҢЕСШІСІ:
Парагвай астанасы Асунсьонда ЮНЕСКО-ның материалдық емес мәдени мұраны қорғау комитетінің отырысында қазақтың ежелгі салттарының бірі "Беташар" адамзаттың материалдық емес мәдени мұрасының репрезентативтік тізіміне енгізілді.
