Ресейдің
құқық қорғау органдары көптен бері іздестіріп жүрген 9 күдікті Батыс Қазақстан
облысында ұсталды. Олардың ұзақ уақыт бойы осында жасырынып келгені анықталып
отыр. Облыстық ІІД-нің дерегінше, ТМД елдерінің тәртіп сақшылары күш
біріктірген «Іздестіру» шарасы барысында бас-аяғы 18 адам қолға түсті.
Ұсталған 9-дың екеуі 10 жылдан бері іздеуде жүрген. Полицейлер олардың ұрлық
жасады деген күдікке ілінгенін айтып отыр. Сондай-ақ, атыраулық сақшылар
іздестіріп келген 2 күдікті Орал қаласынан табылды. Бұдан бөлек облыстық Ішкі
істер департаменті тарапынан іздеуде болған 6 адам қолға түсті. Хабар-ошарсыз
кеткен тағы 4 адамның мекен-жайы анықталған. Олардың біреуінің Ресейде жүргені
белгілі болды.
Асылай
Ғұбашева, БҚО ІІД баспасөз қызметінің өкілі:
Облыс
аумағында полиция қызметкерлері РФ құқық қорғау органдарының іздеуінде болған 9
қылмыскерді ұстады. Соның ішінде ресейлік әріптестеріміздің көмегімен РФ Самара облысында 7 миллион теңгені жымқырып кеткен Орал қаласының ІІБ іздеуінде тұрған
азамат Гроздов анықталып ұсталды.
Еркін КАРИН