Оралда жолға сыймай, қарсы кездескен көлік иесіне қару кезенген тентек ұсталды. Полиция дерегінше, ол өзіне жол бермеген қарсыласын суық қарумен қорқытыпты. Қарудан қаймыққан жігіт бірден полицияға хабарласады. Суыт хабар ізімен суық қару иесін іздеген сақшылар оны алысқа ұзатпады. Бірақ күдіктінің қолындағы алтыатар арнайы белгі беретін сигналдық тапанша болып шықты. Дегенмен оның бұл қылығы жауапсыз қалмайды: алтыатар асынған азамат енді заң алдында жауап береді. Полициядан қашса да, кінәсін мойындамаған жігітті арнайы тексеруден өткізген дәрігерлер оның мас екенін анықтады.
НҰРЖАН ҚУАНҒАЛИ, ОБЛЫСТЫҚ ПД РЕСМИ ӨКІЛІ:
Тұрғынды суық қарумен қорқытқан азаматтың мас күйде болғаны анықталды. Қазіргі уақытта аталған дерек бойынша қылмыстық іс қозғалды және де оның жасаған іс-әрекеттерінің, яғни әкімшілік құқықбұзушылық бойынша бірнеше өндіріс қазіргі уақытта жүргізілуде.
