«Сәтті қадам» партиялық
жобасының аймақтық филиалдары жүргізген жұмыстардың арқасында 1640 жас тұрақты жұмыспен қамтылған. 200-ден астам
кәсіп орынмен келісімшарт жасалды. Бұл туралы «Нұр Отан» партиясында өткен
брифинг барысында «Жас Отан» жастар қанатының өкілдері мәлімдеді.
Жалпы, «Сәтті қадам» жобасының
мақсаты - балалар үйінде тәрбиеленген жас мамандарды жұмысқа тұрғызу. Оның
ішінде жоғары оқу орындары және техникалық - кәсіптік білім мекемелерінің
түлектері бар. Тағы бір бағыты Астана мен Алматы қалаларындағы мемлекеттік
органдар мен ұлттық компанияларда жас мамандарға тағылымдама ұйымдастыру болып
табылады.
Дана Тулешова, «Сәтті қадам»
партиялық жобасының үйлестірушісі:
Жастардың көбісі осындай
ұйымдарда жұмыс істегісі келеді. Бірақ, өздері барса, қиындыққа душар болып
жатады. Сондықтан біз оны жеңілдетіп көмек көрсетеміз. 2 кезеңнен өткен 178
баланы біз ұлттық компанияларға 3 айлық тағлымдамаға жібердік. Нәтижесінде 12 бала
жұмысқа тұрды.