Астанада әлеуметтік желіге кәсіпкер ретінде тіркелген алаяққа 49 адам алданып қалған. Жалған кәсіпкер еден жабындарын сататын саудагер ретінде халықтың 82,2 млн теңгесін қағып алған, деп хабарлайды Azattyq Rýhy.
С есімді ер адам Instagram әлеуметтік желісінда интернет дүкен ашып, еден жабындарын сататынын және оны жеткізіп беретінін жазған. Осылайша ол 49 адамды алдап соғып, миллиондаған теңгені қалтасына басқан.
Астана соты алдау жолымен бірнеше рет ірі көлемде бөтеннің мүлкін жымқырған ер адамды 4 жыл 8 ай мерзімге соттады.
Алаяқ 49 адамнан алған ақшасын қайтарып беруге міндеттелді.
